تحدثت نانسي ابنة الفنانة رانيا يوسف عن والدها المنتج محمد مختار، وعن اختيارها ووالدتها للملابس، قائلة إنها لا تهتم بآراء الجمهور.
وأضافت نانسي ابنة رانيا يوسف خلال تصريحات تلفزيونية: مش بتضايق خالص وشكلي حلو والفستان اللي لبسته من مامي شكله حلو على الريد كاربت ومش ببص للانتقادات.
وأردفت: هي أطيب إنسانة في حياتي مش بقول كده عشان هي مامتي لكن عشان هي صاحبتي وأختي وكل حاجة في حياتي، وبقالي معاها 20 سنة في الحياة كل يوم.
وتابعت: أنا مش عايزة من محمد مختار حاجة، مش عايزين منه أي حاجة، حتى لو فيلم أو مهرجان أو أي حاجة، أنا كنانسي مش عايزة منه أي حاجة.
اقرأ أيضًا| رانيا يوسف تهاجم الرجال: يجب تحديث قوانين المرأة
وعن إمكانية خوضها مجال التمثيل، أضافت ابنة رانيا يوسف: لو الورق حلو وأنا عاجبني الموضوع هشارك، ولكن أنا مشروع مصممة أزياء أكتر.
وعبّرت الفنانة رانيا يوسف عن رأيها في اختيارات ابنتها للملابس، مضيفةً: محدش له عندها حاجة تعمل اللي عايزاه، اللي مش عاجبه ميحبناش وميتابعناش، الدنيا بسيطة مفيهاش عُقد، هي تلبس اللي عايزاه وتعمل اللي عايزاه، وبناتي هما اللي بيظبطولي الاستايل.
