كشف الدكتورة جاد القاضي رئيس المعهد القومي للبحوث الفلكية والجيوفييزيقي، مدى احتمالية تكرار حدوث ظاهرة الزلزال في المغرب مرةً أخرى، بعد الزلزال الذي وقع حدوثه بها منذ أيام قليلة، مسببًا خسائر عديدة في الأرواح.
وقال «القاضي»، خلال تصريحات تليفزيونية، أن احتمالية تكرار زلزال المغرب هياخد فترات متوسطة زمنية من 30 لـ50 سنة في الجنوب لكن في الشمال بياخد 20 سنة، والتوابع حصلت إمبارح كانت قوتها عالية وصلت ل 5 لكن بدأت الامور تهدأ شوية والامور هتستقر كدة.
وتابع جاد القاضي: هناك حيثيات عدديدة لسبب الدمار اللي حصل في زلزال تركيا، كانوا زلزالين بينهم نص ساعة، والتوابع كانت كتيرة وصلت أول يوم حوالي 3000 تابع، والمنطقة كان فيها كثافة عمرانية وكبّرت من عدد الضحايا، عكس زلزال مراكش المباني دور أو دورين ودي في حد ذاتها ساعدت في وجود خساير لكن لا تقارن بزلزال تركيا.
وأضاف: في زلزال مراكش غطى معظم المدن المغربية، كل مركز زلزال له خواص بتاعته حسب المنطقة اللي هو فيها والعوامل يا بتزود عدد الضحايا يا بتقللهم، مصر مش في حزام الزلازل ومش متوقع إنها تدخل فيه في الحقبة الجيولوجية اللي احنا فيها برغم ان بيحصل عدد زلازل غير محسوسة وبيحس بيها بعض الناس.
واختتم حديثه قائلا: كل دي ظواهر مصاحبة للنشاط الزلزالي، وان زلزال يسبب تسونامي في شروط معينة، انه يكون في البحر وقوته كبيرة اكتر من 5 ونص او 6، دون ذلك مفيش اي زلزال يقدر يحدث تسونامي، وبيكون في اشارت تحذيرية ان في تسونامي.
