أعلنت ريم طارق طليقة مطرب المهرجانات حسن شاكوش، انتهاء الخلافات التي نشبت بين الطرفين خلال الشهور الماضية.
وقالت ريم طارق خلال فيديو حصري لقناة "هي" عبر برنامج "دعوة فرح"، الذي تقدمه الإعلامية فرح شعبان على شاشة قناة "هي": الحمدلله أخدت كل حقوقي الشرعية من حسن، والحمدلله اني طلعت شخص كويس، وهو كمان شخص كويس، وراجل محترم، وكل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع سواء من أهله او من اهلي او مامته ف حقهم على راسي وكل شئ قسمة ونصيب".
سبب سجودها في حفل زفافهما
وكانت ريم طارق طليقة مطرب المهرجانات حسن شاكوش، قد كشفت سبب سجودها في حفل زفافهما، ذلك الموقف الذي أثار جدلًا واسعًا على مواقع التواصل الاجتماعي حينها، كما عرّضها للعديد من الانتقادات، خلال تواجدها بأحدي البرامج التليفزيونة قائلة:" مكنش في صحفيين في القاعة غير والدتي ووالدي ومنسقة الحفل، ومعرفش الصورة طلعت برا القاعة ازاي ومطلبتش من حد أنه يصورني، أنا عملت حاجة تلقائية هتريحني وكنت بتمنى ربنا يجعل الحياة أنها تكون خير بعد زواجي".
وتابعت ريم طارق: " مقصدتش أعمل تريند ولا حسن طلب مني ومكنش موجود أصلاً، أنا عملت الحركة دي عشان كنت متوترة ودي هتريحني، وكنت متخيلة عشان أنا مريت بحياة وحشة قبل كدة، فكرت أن حياتي وقفت، ولكن لما ربنا بعتلي حد وهدخل حياة جديدة وهخلف وفي لسة حياة، حبيت أشكر ربنا، وملوش علاقة بحسن".
