طرح المطرب مصطفى حجاج، أحدث أعماله الغنائية التي حملت عنوان «عملنا قيمة»، عبر قناته الرسمية بموقع الفيديوهات الشهير «يوتيوب».
وأغنية «عملنا قيمة» لـ مصطفى حجاج، من كلمات الشاعر الغنائي مصطفى حسن، وألحان مصطفى العسال، وتوزيع أماديو.
وجاءت الكلمات كالتالي:
يا دكتور من غير ما تبنج خيط
يا جراح من كترك لا بقيت أتوجع ولا أعيط
آه منكوا لله كلكوا
ياللي كنت بحبكوا
وواخدكم حبايبي
وواخدني عدوكوا
كانوا غاليين مابقوش
واحتجناهم مابانوش
دي وشوش وعلى المغشوش باعونا ليه
أنا كنت غلبان وغشيم
وتوبت والله العظيم
مادفعش فيهم مليم
دول يسوا إيه؟
عملنا قيمة
لابن اللئيمة
عملنا قيمة لناس لئيمة خسارة ننطق اسمهم
عملنا سعر للي مالهومش سعر
لو سبت بوقي يجيبلي حقي القول هيحرق دمهم
هنشر غسيلهم على المناشر
وهذيع وأقول على المباشر
ياللي بسببكم بطلت أحب
بطلت أعاشر
أنا اشتريت بالدين
حمام طلع تعابين
نجاني دعا الوالدين
وجت جمايل
مشيتها بالإحساس
مع معدومين إحساس
أنا في حبايبي يا ناس بختي مايل
عملنا قيمة لابن اللئيمة
عملنا قيمة لناس لئيمة
خسارة ننطق اسمهم
عملنا سعر للي مالهومش سعر
لو سبت بوقي يجيبلي حقي القول هيحرق دمهم
هنشر غسيلهم على المناشر
وهذيع وأقول على المباشر
ياللي بسببكم بطلت أحب بطلت أعاشر.
وطرح الفنان مصطفى حجاج مؤخرا أغنية «بنت الناس» التي افتتح بها صيف 2023، وتعاون في كلماتها مع الجوكر، وألحان أحمد عبده، وتوزيع أسامة عبدالهادي.
