علقت الإعلامية سهير جودة، على ما فعلته أسما شريف منير مؤخرًا، والتي فاجأت الجميع بحلاقة شعرها، قائلة: «هي أسما شريف منير غلطت في حد، هي أذت حد، هو إحنا ليه بنطلع العدوانية اللي جوانا والعنف على شيء شايفين إنه مختلف عننا، ليه بنصادر على حرية الآخرين، ليه كارهين فكرة إن دي خصوصية وحرية، لا يصح أن نعتدي وننتهك خصوصية الآخرين لا بالكلمة ولا بالسب ولا بالقذف».
وأضافت سهير جودة عبر صفحتها على فيسبوك، قائلة: «واضح إننا عندنا حاجات مكبوتة جوا فإحنا بنخرجها بأي شكل، بنعتدي على أي حد، ونعيش دور الأب والأم للآخرين».
وأشارت سهير: «أسما لم تقصد التريند، إحنا اللي بنصنع التريند لأننا نرفض أي شيء مختلف، لأن إحنا عايزين نرد بعنف وخلاص،
اللي مش عاجبنا نصمت عنه ولا نتحدث عليه ولا نكتب عنه».
وعن حفلة الدموع التي أقيمت مؤخرًا في السعودية، قالت: «دي كانت شجن، والشجن يطهر النفس، ويضيف على الإنسانية إنسانية وإحنا شعوب عاطفية، وكلما كنت شعب عاطفي كلما كنت أكثر إنسانية، فطبيعي نرجع لمرجعيتنا الإنسانية، ومرجعيتنا تكون الرحمة».
