على رف اﻷمل والشوق
حدفت همومي للآخر
وداب القلب م اﻷوهام
وباب العشق متوارب
واحارب جرح جوة الروح
وف الآخر ...
رميت نفسي
في بحر العشق والتنهيد
واروح لبعيد
أطفي ف نار محاوطاني
وطابت جوة نفسي جراح
حبيب الروح رجع تاني
وبيقولي .. أنا إنتي
يانسياني ولقياني
بكلي وكل وجداني
باروح بالروح في احضانك
في كل مكان بيجمعنا
وبيساعنا
وكان دايما بيسمعنا
رميت الشوق على اعتابك
مسحت دموعي وداريتها
وحتى مجرى بصمتها
بقت فرحة بطول الخد
خلاص العهد بينا اتمد
وطار بينا
على جناح اﻷمل والشوق
حبيبي عيونه وحشاني
