كشف الفنان حسن عبد الفتاح، عن الفنانين الذين يفضل التعامل معهم في الوسط الفني قائلاً: "من أحسن الناس اللي بحبها في الوسط وبرتاح معاها في الشغل، وهو بيرتاح معايا في الشغل محمد سعد، ده عشرة العمر".
وتحدث عن كواليس علاقته بالنجم محمد سعد خلال حواره مع الإعلامية إنجي هشام في برنامج المنسي عبر قناة هي: "محمد جدع ومحترم وبيقف جمب صاحبه وأكيد بيضايقوه عشان بيتعامل معاهم كده، أنا أعرف محمد من ٣٥ سنة وكان معانا عند الأستاذ صبحي بس التركيبة ممشيتش مع الأستاذ قعد معانا أسبوعين ساعتها ومشي، قابلته في المتحدين كان بيعمل " كعب عالي" مع يسرا وحسين فهمي واشتغلت معاهم".
وكشف عن أسباب قلة الفرص قائلاً: "الموضوع شلليات أنا عارف فلان وفلان هما دول اللي يشتغلوا حد وتاني لا.. أنا اتاخدت من على المسرح أستاذ رائد لبيب مرة شافني في المسرح قالي تعالى.. المخرجين زمان كانوا بيدخلوا المسارح يجيبوا دلوقت لا".
وتابع: " الوسط مليان شلليات وأنا ليا كام واحد اللي بشتغل معاهم بيقولولي تعالى يا حسن بروح منهم الفنان محمد رجب والفنان محمد سعد".
يذكر أن برنامج " المنسي" هو برنامج على قناة " هي" تقديم الإعلامية إنجي هشام، ويذاع يومي السبت والأحد في تمام الساعة الحادية عشر والنصف مساءً، ويستضيف عددًا من نجوم الفن والإعلامين الذي غابت عنهم أضواء الشهرة والنجومية.
