كشف الفنان طارق النهري عن تفاصيل الجزء التاني من مسلسل " جعفر العمدة" الذي قدمه محمد رمضان خلال العام الماضي.و
خلال تواجدة بأحدي اللقاءات التلفيزونية قال النهري "اللي اعرفه لحد دلوقت أنهم لسه بيكتبوا لكن محدش كلمني لسه في أي حاجه خالص، هيكون موجود شوقي وكارم وحمادة وصفصف طبعا الملكة ومحمد رمضان أساسي ومعرفش مين لسه بعد كده".
وأضاف النهري في تصريحات تليفزيونية حول فكرة تأجيل طرح الجزء الثاني من مسلسل جعفر العمدة قائلا:" فرحت جدا وهي مخاطرة لان أنت عشان تعمل ده لازم تحقق نجاح أكبر من اللي حققته الجزء الاولاني، الكاتب هنا عليه عبىء لأنه هيتطور شخصيات جديدة وهيبني شخصيات وأنت كممثل عليك أنك تعيش الحالة اللي كنت فيها قبل كده وتشوف هتعمل ايه بعد كده".
وتابع :"دايما مسلسلات الأجزاء مش كلها ناجحة، ومسلسل " جعفر العمدة" لو نزل في ٢٠٢٥ ممكن يفقدوا الحماس بتاع تواصل الموضوع إنما لو اتعمل فيما بعد برضو هيحتاج تطوير جديد خالص بقي".
مسلسل «جعفر العمدة»
يشار إلى أن مسلسل جعفر العمدة من إخراج وتأليف محمد سامي، وتدور أحداثه في إطار اجتماعي حول شخصية جعفر الذي يعيش في منطقة السيدة زينب الشعبية بالقاهرة مع زوجاته الأربع.. يتعرض البطل لخطف طفله الرضيع قبل 19 عاما ويتابع المشاهدون رحلته في البحث عن ابنه وتعامله مع المكائد التي يدبرها له بعض المقربين منه.
بطولة محمد رمضان وهالة صدقي وزينة ومي كساب ومنة فضالي وإيمان العاصي اللاتي يقمن بأدوار زوجات جعفر، وهالة صدقي التي تقوم بدور والدته صافية.
