كشفت الفنانة هدى هاني، حقيقة احتكار الفنان محمد صبحي، لفناني مسلسل "يوميات ونيس".
وقالت هدى هاني، خلال استضافتها في برنامج المنسي عبر قناة هي، "أنا مش هدافع عن أستاذي لأن هو اللي علمني لكن أكبر دليل إني عملت أكتر من ٢٠ مسلسلا وكان ليا كذا محطة نجحت فيهم منهم العطار والسبع بنات، العائلة والناس مع المخرج محمد فاضل، العار مؤخرا".
وعن حديث الفنانة عبير صلاح الدين بشأن احتكاره لها: مش هتكلم عن عبير صلاح الدين واللي قالته لكن في نجوم كتير وسوبر ستارز كان محمد صبحي اللي حاطط حجر أساسهم واكتشفهم منهم منى زكي، هاني رمزي، مصطفى شعبان أسماء كبيرة وكتيرة.
وتابعت هدى هاني: المشكلة أننا لما بنرتبط بأستاذ صبحي بيبقي ليه طريقة معينة وبيئته، بيبقى صعب لما تخرجي تتأقلمي مع شكل آخر إحنا مش بنبقي عارفين نتأقلم لكن هو عمره ما منع بالعكس أنا لما بيشوفلي عمل بيكلمني وبيقولي برافو عليكي إنما عمره ما قالي ايه اللي انتي عاملاه ده؟"
واختتمت هدى، حديثها قائلة: هو مطلع كويس وبيشوف كل واحد فينا بيعمل إيه، لكن بيبقى غيور علينا وزي الأستاذ مع تلميذه مش عايزه يضل الطريق.
اقرأ المزيد.. عيد المرأة في تونس.. فنانات تونسيات تألقن بمصر
