استقبل الشيخ عمرو الورداني، أمين عام الفتوى بدار الإفتاء المصرية، سؤالًا من متابعة تقول «حماتي بتشغل كوافيرة، وسألت حد قبل كده وقالي إن الشغلانة دي فلوسها حرام، ولما تروحي متكليش عندها، فهل الكلام ده صحيح؟».
وقال «الورداني»، خلال برنامج ولا تعسرو، عبر قناة مصر الأولى، اليوم السبت، إن هذه الطريقة تبعث رسالة إلى حماتك بأنها قليلة الديانة ومالها حرام، وهذا غير صحيح.
وأضاف أن هذه المسألة تتعلق ببعض الأشياء، متابعًا: «هي لو بتزين حد ومتيقنة إن الحد ده هيروح يمارس بالزينة دي الحرام، ساعتها يبقى ممنوع، لكن ده مبيحصلش.
واشار الورداني هي لو زينت امرأة متزوجة، ده عمل حلال، وقد تثاب عليه، لأنها تزين امرأة لزوجها، مسألة إن شغلة الكوافير كده كلها حرام، لأ.
وأكمل: «كمان إنتي مش مأمورة إنك تفتشي عن أموال الناس حلال ولا حرام، خالي بالك وانتي بتسألي في الدين، عمل المرأة التي تعمل في تزيين النساء، هناك تزين واضح الحل، فإذا كانت بتعمل في ده، فهي بتعمل في عمل واضح الحل.
