كشفت الفنانة عفاف شعيب عن تفاصيل جديدة في وفاة نجل الفنان حسن يوسف والفنانة المعتزلة شمس البارودي، الذي رحل مساء السبت الماضي.
وصرحت الفنانة عفاف شعيب خلال مداخلة هاتفية مع الإعلامية لميس الحديدي في برنامج "كلمة أخيرة"، قائلة: "الموقف صعب بطريقة غير عادية، الله يصبر قلوبهم.. لما الأب والأم بيفقدوا ابنهم بتبقى الحالة صعبة قوي ربنا ما يوري حد لا عدو ولا حبيب".
وأضافت: "عبدالله بيعوم كويس ومن نوع الشباب الهادي المؤدب المحترم.. أنا مشفتوش غير مرتين تلاتة من مدة طويلة والولد مبيتكلمش كتير.. حتى شمس بتقولي أنا مكنتش عايزة أروح السنة دي هو اللي قالي لا لازم نروح.. قالت له أجلها قال لها لا أنا عايز أروح".
ونقلت على لسان الفنان حسن يوسف، قائلة: "من كلام الحاج حسن ليا قال لي هو خرج الساعة 12 الضهر وغاب فترة طويلة وعمرها ما حصلت، وقعدوا يدوروا عليه فبلغوا البوليس لغاية ما الساعة 3:30 الفجر كده لقوا الجثة عايمة عالشط".
واختتمت: "هو كان فين طول اليوم ده؟ أنا أعتقد إن هو نزل المياه وهما كانوا محذرين إن الموج عالي ومحدش ينزل ونفذ قضاء الله نصيبه كده".
