كشف الفنان مصطفى درويش إمكانية التراجع عن قراره بشأن العودة للوسط الفني في حالة الرجوع بالزمن قائلا:' لو رجع بيا الزمن مش عارف هختار ادخل الفن ولالا، الصعوبات اللي فيها وأنت شاب صغير بتحس أنها صعبة لما بتكبر بتحس إن الصعوبات لازم تقل شوية، لأن قوة تحملك مش هتبقي زي ما كانت، خبرتك بتزيد إنما التحمل بيقل مش بس جسديا لكن نفسيا لانك بتحس انك حققت وعلشان حققت بتحس انك مش محتاج تتعب نفسك التعب بتاع زمان انما لكا تحس انك حققت وتتعب اكتر من زمان دا تحميل نفسي عليك.
أضاف خلال حواره مع الإعلامية انجي هشام في برنامج المنسي عبر قناة هي:' حاليا بقولك اة ممكن لو رجعت بالزمن اقولك لا لو هتقوليلي حد من ولادك يدخل هقولك لا مش عايز وعلشان حاجات كتير مش بس صعوبات علشان ما بعد الصعوبات دي.
أقرأ أيضا وسام المدني: نجوم «الليلة كبيرة» سيظهرون للجمهور بشكل مختلف
تابع : الطبيعي أن البني آدم ميوصلش بسهولة دا الطبيعي إنما اللي طبيعي انك بعد ما بتواجه الصعوبات وتبدأ تحقق حاجه والصعوبات تعلى عشان تحافظ على الاسم اوك إنما تعلى عشان تشتغل وتحس انك بترجع تاني زي ما كنت بتعمل الاول؟"
اختتم : لما بقابل حد في الشارع من الجمهور وحد يقولي انت فينك يا فنان بزعل لاني مش عارف ارد اقول ايه وهو مش هيكون مستوعب اللي بقوله له فبقول ربنا يسهل وبحس اني غير مقنع لاني مش مصدق اللي بقوله وده اللي بيتعبني.
