كشف الفنان أحمد عصام كواليس حفل النجم تامر حسني في مهرجان العلمين، ولحظة هبوطه على المسرح طائرا.
وقال أحمد عصام خلال لقائه مع برنامج «مساء dmc»: فكرة الطيران دي فكرة تامر حسني لأنه في فيلم تاج ظهر سوبر هيرو وكان بيطير طول الوقت، تصوير الفيلم استمر 3 شهور منهم شهر هو متعلق كل يوم 7 ساعات، لما جينا نعمل الحفلة استعان بنفس فريق العمل اللي معاه في الفيلم".
اقرأ أيضا أحمد عصام: الشغل في مهرجان العلمين له مسئولية كبيرة لأننا بنمثل بلدنا
وتابع: "بدأت أرسم شكل الحفل على جزء الطيران، تامر طلع في 3 ثواني 40 متر ودي حاجة مش أي حد يقدر يعملها لأنها صعبة لكن تامر حسني بيحب يعمل حاجات مختلفة، وفكرت إزاي أعمل شكل الألعاب النارية، وأن الـ3 ثواني نفس مدة طلوع الصاروخ، ركبت من عند رجليه ألعاب نارية وكأنها هي اللي أدته قوة الدفع والطيران".
