كتب: أحمد عادل
حلت الفنانة الكبيرة ميمي جمال، ضيفة في برنامج معكم والذى تقدمه الإعلامية منى الشاذلى على قناة Cbc، وتحدثت عن تكريمها بمهرجان الزمن الجميل في لبنان، قائلة: "بحس إن التكريم وكأن حد بيطبط على كتفك وبيقولك شكرا على المشوار الطويل اللى تعبت فيه، فكنت فرحانة وهى حاجة ملهاش عمر محدد، والإنسان ممكن يتقاله شكرا في أى وقت".
وعن عودتها للتمثيل قالت ميمي جمال، "بعد وفاة زوجى الفنان حسن مصطفى، قعدت فترة مكنتش قادرة اشتغل قعدت 6 سنين في البيت، لأننا عيشنا مع بعض عمر طويل أكتر من 40 سنة، فكان الموضوع صعب جدا وقلت خلاص عندى بنتين وأنا مع نفسى لغاية لما أفوق بس اتأخرت شوية، وناس كتير كلمونى على شغل ومنتج كان عاوزنى في مسرحية كوميدى وقلتله جوايا مفيش ضحك وكل اللى جوايا حزن بس".
واختتمت ميمي جمال،"لقيت بناتى الاتنين اتجوزوا وبقيت لوحدى في البيت، فقلت اللى بحب اعمله هو التمثيل فرجعت للتمثيل وبقيت بعمل الشغل برواقة وإحساس".
اقرأ أيضا | صور| كواليس حلقة ميمي جمال وبناتها وأحفادها مع منى الشاذلي
