وقالي كلام كتير عنه
لاقيت انه بيشبهني
فوجئت كلامه بالمللي
وقولت له أوعى تإلمني
ويا رحمن ما تحرمني
ماصدقت ان انا لاقيته
حقيقي ده اللي فاهمني
دا انا اختارته يكون عمري
وانا استغربت من فعلي
بكل جوارحي حبيته
عشقته عشق ماشافهوش
مع أي حد من قبلي
ولا هايشوفه من بَعدي
لكن عارفه وعندي يقين
ما يقدرش على بُعدي
مراره .. بحبي حليته
وحضني هايبقى ليه بيته
ويزرع قمح - أنا غيطه
أنا حبه
أنا عشقه
أنا هويته
