دافع السيناريست عمرو محمود ياسين، عن نفسه بعد تصريحات برنسة عبدالغني أشهر كومبارس في السينما، والتي قالت خلالها أنه تسبب في ضياع مسلسل سلمته له يسرد مشوارها الفني.
ونشر عمرو محمود ياسين عبر حسابه الرسمي على موقع التواصل الاجتماعي، منشور قائلًا فيه: "النهاردة لاقيت الخبر ده، «برنسة عبدالغني: عمرو محمود ياسين خد ملخص حياتي عشان يتعمل مسلسل وضيعه»".
وأضاف: "يا استاذة برنسه تحياتي ليكي اولًا، ثانيًا حضرتك كنتي قابلتيني وإحنا بنصور مسلسل «ونحب تاني ليه» على ما أتذكر ولاقيتك من تلقاء نفسك جايبالي ملخص وقولتيلي اقراه عشان عايزة إني أعمله مسلسل، وقتها كنا لسه بنصور وما قدرتش اقراه وقتها".
وتابع: "وقريته بعد كدة لما اتصلتي بيا فكرتيني به بعد فترة طويلة، وقتها أنا قريته وللاسف مالقتش فكرة مناسبة له، وحضرتك ماكلمتينيش تاني وأنا ماتصلتش برضو وده تقصير مني بعتذر عنه".
وأكد: "لكن مش عارف جبتي منين حكاية إني أنا ضيعته، مش عارف جبتي الفكرة دي منين".
وأتم: "الملخص بتاعك في الحفظ والصون زي ما هو، وتقدري تاخديه وقت ماتحبي.. وربنا يكرمك".
وألحق عمرو محمود ياسين بمنشوره، صورة الورق الذي استلمه من برنسة عبدالغني، ليؤكد أن الورق لازال معه.
وكانت برنسة عبدالغني أشهر كومبارس في السينما، قالت في برنامج "المنسي"، والمُذاع على قناة "هي"، أن السيناريست عمرو محمود ياسين أضاع مسلسلًا يسرد سيرتها الذاتية.
اقرأ أيضًا.. برنسة عبدالغني: ياسر جلال وأحمد العوضي بيساعدوني ماديًا
