يااه يازمان الخير
فى أرض مصر السمرا
الحب كان ٠٠ قناطير
والخلق كانت٠٠ أمرا
******
كانت البيوت من طين
أما القلوب من دهب
والماركة من حطين
والمصري عجب العجب
بعلومه سبق الناس
عمل السطور بالفاس
بحضارة تبر وماس
خلى التاريخ مفخره
وبلده م الأساطير
يااه يازمان الخير
٠٠٠٠٠٠٠٠٠
بهر الجميع بفنونه
عدى الحدود والكتب
حتى فى عز جنونه
الاللتزام ٠٠٠ والأدب
عاشق عيون الخير
لبلاده ويا الغير٠٠٠٠
عظمه فى حسن السير
والكل عارف السبب
حبل الوداد والأسره
٠٠٠٠
كانت السواقى تدور
تروى القلوب والبور
حتى الدواب بالدور
فى النورج بالمسطره
والرى٠٠٠ بالشادوف
والود٠٠ والمعروف
كان الحياء معروف
ولا حقد ولا منظرة
فى ربوع بلادنا السمرا
الخلق كانت ٠٠٠ أمرا
٠٠٠٠
أيه إللى جد علينا
مين إللى زاد مآسينا
ولا اتبدلنا بناس
مالهمش فى الإحساس
ونسينا أي أساس
ورجعنا خالص ورا
٠٠٠
يكفانا كنا وكان
إرجع بنا يازمان
رجعنا لعروشنا
لملحنا وعيشنا
