احتفل الفنان أمير كرارة ببدء عرض فيلمه الجديد "البعبع" في قاعات السينما الخليجية، مؤكداً رضاءه التام عن إيرادات الفيلم في منافسات أفلام عيد الأضحى، كما كشف عن كواليس تعاونه لأول مرة مع الفنانة ياسمين صبري، وسبب تغيير نوعية أفلامه من المعارك والإثارة للكوميديا.
وقال أمير كرارة خلال لقائه مع برنامج ET بالعربي: طبعاً راضي عن إيرادات فيلم البعبع، وإحنا بنشتغل والإيرادات دي بتاعة ربنا والمنتج نفسه، والحمد لله بنعمل حاجة تليق بالجمهور وفيلم محترم، وطبعاً المنافسة شديدة وأنا من محبي الكريمين (كريم عبد العزيز وكريم محمود عبد العزيز" وربنا يكرمهم ويكرم كل الناس.
وأوضح أمير كرارة أنه لم يتخوف من خوض التجربة الكوميدية، معقباً: مخوفتش، والفكرة كلها إن الورق شجعني وواثق في المخرج اللي معايا إنه هيظبط الكوميديا، والحمد لله كانت تجربة ممتعة وجديدة عليا.
وأضاف: كان لازم أغير الأكشن؛ لأن الفترة اللي فاتت كانت كلها أكشن، يمكن كنت قلقان في البداية إني أقدم كوميدي ولكن الحمد لله لقيت ردود فعل حلوة من الناس.
أما عن تعاونه مع الفنانة ياسمين صبري خلال أحداث فيلم البعبع، فعلق أمير كرارة قائلاً: من التجارب الحلوة اللي اكتسبتها في المهنة هو التعامل مع ياسمين صبري، وهي بصراحة ست وممثلة جميلة، وارتحت معاها في التعامل وأتمنى أشتغل معاها تاني، وعندها جمهور كبير جداً، والناس بتحبها جداً.
اقرأ أيضا| ياسمين صبري: العمل مع أمير كرارة «شرف لي»
