أنا قلت هرسم
من حروفك
مدنتين
وصليب كبير
عيال بتلعب ف الحواري
والصواري
حصان لماري
مدد يا مرسى يابو العباس٠
بس القليب نازف عطش
والهويس مقفول علينا
والفرح حلم وبعيد
رمضان بقى له ٣ سنين
ولا جاشى عيد!
يوم الدلال والدل
طلى٠٠٠٠
ع الصبابه المغرمين
والصبايا الدبلنين
حنى٠٠٠علينا
فصلينا
وكل توب وله مقاس٠
يا ام العيون الخضر
يا. سمره
يا ألف شمس
وألف 100قمره
يا ام الملس ملفوف على جيدك
ولا ألف فارس
فوق حصان
قدروا ف يوم يقربوا
ولا يلمسوا إيدك
من ميته بضمي لحضنك
ناس تدفي٠٠٠وناس تكفي
وناس تدوق شهد العسل
وتسيبي ناس؟!
من ميته يا امه
يا بهيه٠٠
قبلتي تبقى مهرجان
مش انتى قلتى من زمان
أنا شمس جايه م الجنوب
راكبه حصان
فأديها سيف وصولجان؟!
وقابلتى _مينا--
يوحد القطرين بإيدك
وبوليدك
قمتي شقيتي القناه!
وزرعتي فدادين الفساد
وكنت مقبرة الطغاه!
مش قولتي لخوفو
من زمان
لو جيت تناسب
قبل دور ع الأساس ؟؟
