أثارت الفنانة ميرهان حسين الجدل مرة أخرى حول قرار اعتزالها، حيث خرجت للجمهور مرة أخرى وأوضحت حقيقة خبر اعتزالها الفن بسبب ما وصفته بـ"الشللية في الوسط الفني وعدم شعورها بالتقدير".
وخرجت ميرهان حسين لجمهورها من خلال مقطع فيديو عبر خاصية "ستوري" على موقع "إنستجرام"، قائلة: "وحشتوني جدًا، وآسفة أني اختفيت عنكم الفترة اللي فاتت دي، واختفيت عشان أرجع أحسن من الأول، بجد مش عارفة أشكركم إزاي على حبكم واهتمامكم اللي شوفته الفترة اللي فاتت شكرًا لكل أصحابي وأهلي زمايلي والناس اللي بتحبني، وفعلا لولاهم مكنتش هعرف أعدي الأيام اللي فاتت دي".
وأضافت ميرهان حسين: "وبخصوص موضوع اعتزالي، أنا مكنتش أقصد إني بعتزل الفن أنا كنت أقصد إني بعتزل السوشيال ميديا، أعتزل الناس لفترة؛ عشان كان عندي إحباط وعديت بفترة فيها إحباط زي أي بني آدم ممكن يعدي بفترات حياته بيتعب ويكتئب، وبوقفة الناس اللي بيحبوه جنبه بيقدر يعدي الوقت الصعب ده".
وأردفت ميرهان حسين: "كنت مش في أحسن حالاتي وفعلا بوقفتكم جنبي وحبكم ليا إن شاء الله قادرة أعدي، وأوعدكم الفترة الجاية بحاجات حلوة وميرهان اللي بتحبوها، بجد شكرا".
اقرأ أيضاً - «أبو» يطرح أغنية «هوليلا»
