تحدثت الفنانة جيهان قمري عن تفاصيل زيجتها الوحيدة التي انتهت بالطلاق، وقررت بعدها عدم خوض تجربة الزواج مرة أخرى، موضحةً أنها تعرضت للضرب والإهانة وكان يعيش بمنزلها وتنفق عليه أموالها.
وقالت جيهان قمري خلال استضافتها في برنامج “قعدة ستات” مع الإعلامية مروة صبري على شاشة قناة “اليوم”: كانت تجربة وحشة وندمانة عليها، ندمانة إني قمت بالتجربة دي للأسف، التجربة عملتلي حالة بلوك لأي حد في حياتي للأسف، ومش عيب الواحد يتوجع بالعكس أنا من الشخصيات اللي أي حاجة توجعني أو بحس إنها تكسرني بتقويني أكتر بتخليني أعيد حساباتي تاني وأبص للحكاية من منطلق تاني خالص.
وأضافت جيهان قمري: أنا كنت متجوزة مدني في قبرص فأنا اللي عملت الورق كله وانا اللي سافرت ولغاية النهارده انا اللي معايا الروق كله معهوش ورقة واحدة تثبت إننا اتطلقنا، لما أخدت القرار أنا اللي سعيت لكل حاجة، على الورق اتجوزته 6 شهور وعلى الحقيقة 3 شهور، وللأسف كان بيمد إيده على ست وتقريبًا كان عنده نقص بيعوضه بحاجة تانية، ومكنش ينفع أكمل عشان أخلي الحياة تستمر، مش مستاهلة وصلت لمرحلة إني مش مستاهلة عشان أكمل ويربطني بيه حاجة.
اقرأ أيضًا| جيهان قمري: مشفتش دور لياسمين صبري أقول عليه واو.. وصورها الكتير «أوفر»
وتابعت جيهان قمري: مبعرفش ومش هعرف أعيش معاكي وأنا مش حباكي، هبقى كدابة وملاوعة لو قولت مأثرش فيا وعلمني حاجات كتير وقواني كتير وخلاني أبقى فاهمة الدنيا رايحة فين وجاية منين ومش هحب عشان أعيش الحالة لا لازم أعرف هحب مين، وللأسف عشان علمني احب مين بطلت أحب.
وأردفت جيهان قمر: مش أول حب في حياتي بس الحب اللي خدت فيه قرار جواز في حياتي، أخدت قرار الانفصال عشان موصلش لمرحلة لا أنا أتبهدل ولا نروح أقسام ولا أيا كان اللي هيحصل، الموضوع خلص خلاص بقاله 6 سنين، هو مكنش معاه فلوس اللي كان قايله غير اللي أنا اكتشفته، وحبيته سنة قبل الجواز وقربنا سوا 6 شهور.
برنامج “قعدة ستات” تقدمه الإعلامية مروة صبري على شاشة “القاهرة اليوم”، وتستضيف خلاله عددًا من نجوم الفن، ويعرض يوم السبت من كل أسبوع في تمام الساعة 9 مساءً.
