فجرت الإعلامية بسمة وهبة، مفاجأة عن انفصال الفنانة جوري بكر عن زوجها.
وأكدت بسمة وهبة أن هذا الطلاق باطل بسبب انتظار جوري طفلها الأول، وهو ما يحرمه الشرع في طلاق المرأة الحامل.
وقالت بسمة وهبة في مقطع فيديو، عبر حسابها الشخصي بموقع انستجرام: الفنانة جوري أنا معرفش رقم تليفونك علشان أكلمك ولا أتواصل معاكي، أنا قرأت خبر إنك انفصلتي عن زوجك وأنا عارفة إنك حامل والحامل لا تطلق، وأنا معرفش مين الشيخ اللي عمل إجراءات الطلاق ده وإنتي حامل، على حد معلوماتي، وعليكي إنك تراجعي شيخ.. طلاقك باطل يا جوري.
اعلنت الفنانة جوري بكر عن طلاقها بشكل مفاجئ وصادم للجمهور خلال الساعات الماضية، عبر حسابها الرسمي بموقع الصور والفيديو "إنستجرام".
ونشرت جوري بكر من خلال خاصية الاستوري بحسابها الشخصي وعلقت فائلة:"وجعل بينكم مودة ورحمة تم الانفصال بيني وبين الرجل المحترم زوجي وبتمنالة كل الخير وارجوكم مش عايزة حد يتواصل معايا في اي تفاصيل لاني مش هرد علي مكالمات شكرا ".
وكانت قد كشفت الفنانة جوري بكر، سبب غلقها التعليقات على عدد من متابعيها على حسابها الشخصي بموقع انستجرام، مؤكدة أن هناك أشخاص يطلبون المساعدة بطريقة الشحاتة.
وكتبت جوري بكر، منشورًا عبر حسابها الشخصي بموقع تبادل الصور والفيديوهات القصيرة انستجرام، قالت فيه: أولًا عشان الأسئلة الكثيرة اللي بتجيلي بخصوص أنا ليه قافلة الكومنتات على عدد معين لأن بجد الموضوع مخيف مش كل الناس اللي حوالينا محترمين.
وأضافت جوري بكر: مش كل الناس نضيفة وتعليقاتهم محترمة في مجموعة كدة حرفيًا من قاع الأرض مريضة وتعليقاتهم أنا مقدرش استحملها أو أشوفها واحترامًا لمن حولي بجد قفلتها على المقربين مني والناس المحترمة اللي متبعاني.
وتابعت جوري بكر: غير إني برضو بخاف جدًا افتح DM ساعات بيلفت نظري الناس الجميلة المحترمة اللي بتحب تهديني حاجات شغلهم مش تمام.
وأضافت جوري بكر: الشحاتة بقي اللي وصلت على الإنستجرام هل ده بجد اللي عايز مساعدة 3000 جنيه، وهو مصور نفسه ماسك تليفون بـ 25 ألف جنيه أو أكتر، واللي عايزة تجهز نفسها ونفسها في ثلاجة وأنا أصلًا مشتريتهاش بجد إزاي كده إيه كمية الاستفزاز والجرأة اللي عندكم دي انزل وانزلي اشتغلي اتعبوا وانجحوا وساعدوا نفسكم في غيرك نحت في الصخر، عشان يوصل ومحدش ساعدهم ولا ساعدني.
واختتمت جوري بكر: ياريت متغرموش أهلكم عشان حضرتك تشوري نفسك وأنت تمسك موبايل جديد اتعب واحصدوا تعبكم.
