علق محمد إبراهيم كيشو بطل العالم في المصارعة الرومانية على أزمة هروب أحمد فؤاد بغدودة لاعب المصارعة الرومانية عقب مشاركته ببطولة أفريقيا التي أقيمت في تونس بعدما اختفى اللاعب الشاب الحاصل على الميدالية الفضية في وزن 63 كيلو وفشلت جميع محاولات العثور عليه.
وقال كيشو عبر صفحته الرسمية بموقع التواصل الاجتماعي فيس بوك :" انا لو حد سمع حكايتي هيبكي بدل الدموع بحور اه والله لو نصف الناس اللي اتكلمت في موضوع بغدودة زميلنا وشجعتنا عمر ما كان حد هيفكر يسيب البلد".
واضاف :" لو نصف الناس اللي مش عارفة التفاصيل دي عملت لايك لصفحات اللاعيبه اللي جابت مرات أول أفريقيا وعالم و ميداليات أولمبية كان زمنا في حتة تانيه خالص".
وتابع كيشو :"يا جماعة انتم عرفين في كام بطل إفريقيا في مصر كام ألف ميدالية دهب كتير لان في لعبتنا اللي ميجبش دهب افريقيا في السن ده عمره ما هيكون بطل عالم ولا اولمبي".
◄ اقرأ أيضًا | كيشو يودع منافسات بطولة إستونيا الدولية للمصارعة
واختتم كيشو :"شجعونا الله يكرمكم البدايه منكم الرياضة الفرديه بشكل عام فقيرة لان جمهورها محدود و ده في اديكم و انا منكرش أن الدنيا اتغيرت مديا اخر ٦ سنوات لما بقي في رعايات و اهتمام بس ده جه بالدراع و المكاسب اللي اتحققت علي البساط مش بالكلام".
وأحمد فؤاد بغدودة يبلغ من العمر 22 عاما ويدرس بكلية التربية الرياضية جامعة كفر الشيخ تم إعداده ضمن المشروع القومي للموهبة والبطل الأولمبي الذي تشرف عليه وزارة الشباب الرياضة وبعد هروبه من تونس توجه إلى فرنسا لتنقطع جميع أخباره حتى الآن ولم يتم الكشف عن مصيره وعن وجهته المقبلة.
