قالت الفنانة عارفه عبد الرسول ان دور الصعيدية هو اللى تعبها جدا ، فى اللغة، و كمان شخصية المعددة لانهم قليلين جدا وجابولي لى معددة تعلمنى عندها ٩٠ سنة .
وأضافت خلال لقائها مع الاعلامى دكتور عمرو الليثى ببرنامجه واحد من الناس على شاشة الحياة، وفكرة انى أعمل عملين فى وقت واحد صعب جدا بالنسبة لى، فى مسلسلين "الاجهر" ، و "بابا المجال" فى وقت واحد، و كنت اخلص الفجر من بابا المجال واطلع على المطار اسافر اعمل مسلسل الاجهر وارجع اخر النهار على بابا المجال .
وتابعت عارفه انها بتحب كوميديا الموقف اكثر، و انا مش بزود كتير فى ادوارى، و لما بشتغل مع الشباب الكوميدى زى اس اس وويزو مش بعرف اجاريهم فى الارتجال و بيبقى نفسي اندمج معاهم .
وعن مسلسل "موجه حارة" اشارت الي ان دورها ٦ حلقات وعن اقرب الاعمال الي قلبها اجابت لا تطفى الشمس و الميزان واللعبة .
واوضحت ان دورها فى فيلم "عيار نارى " من الأدوار المهمة ، من اخراج كريم الشناوى و قدمنى كبطلة .
و اضافت لم اخف من تجربة الاعلان وجت بالصدفة برضوا واتفقت معهم وارسلوا لي الاغاني وانا مش فى دماغى ، وفوجئت بيقولى لى تعالى علشان تسجلى الاغانى بصوتك ، فروحت وعجبهم ، وجابو لى مدربة رقص علمتنى رقصة الاعلان راب .
و انا مش بحب العكننة، ولازم اضحك زوجى، وكان كل ما ينكد عليا اقول الصبر من عندك يا رب واسكت لحد ما يهدأ خالص ، وانا حما طيبه جدا ، مرات ابنى وجوز بنتى بيحبونى، و انا دايما اقول لمرات ابنى انتى زى بنتى .
و اشارت عارفه ان لسانها بيسبق عقلها، ولا ارد على الناس اللى بتوجه لى اهانات على السوشيال ميديا ، و مش لازم يكون للفن رسالة، و دى مش وظيفة الفن ، الفن بيفتح ويطلق افاق للخيال .
وأنا مش بخاف خالص من اى حاجة، وعندى فوبيا من الثعابين، لأن فى مرة الاولاد كانوا بيصرخوا من ثعبان فى الشارع وانا روحت قتلته لحد ما جه حد من الشيوخ اللى بيطلعوا الثعابين دول وقال لى امه مش هتسيبك لحد ما تقرصك و ده عملى فوبيا .
و انا عاوزه اعمل ادوار فير تقليديه، يعنى دور ام غير الى بتشوفها فى الدراما ، ادوار ام شريره .
اقرا ايضا | أبطال مسلسلات رمضان ضيوف سهرات العيد
