أنتى اللى خليتى ليلى
بوجودِك أنتِ نهار
ووسط ضل الشجر
أسمع غنا الكروان
أنا اللى عاشق للهوا فيكى
لآخر حرف فى الدنيا
خلصت شِعرِى والورق
وأنا اللى خايف أعترف ليكى
أن أنتِ عندى أغلى م الحياه والكون
ويوم ما ترفضى حبى أموت
شعرِك ده ليل
وأنتِ الدليل
خلص قاموسى
وحاسس فى الحلق بالحسره
كيف أوصِفك
أنتِ ملاك ولا جنيه
نورِ أحد من حدود السيف
حاسبى عليا أومال
وبصى فى مرايا
أنتِ الورود فى الحسن
موجود عل خدِك
خدِك قمر والخال
يا أم الأصول عاليه
باحبِك حبى للشمس فى الزمهرير
سافرت كتير لحد ما شُفتِك
عيونِك نجم
وأنا قلبى مجنونِك
رقيقه أنتِ وريحة برتقان
ضى الشموع
ضِل الشجر
وأنا كنت بادعى فى الإمام
وأقيد شموع فى السيده والحسين
علشان أنول ودِك
من يوم عرفتِك
رافض التأليف
باكتب مشاعرى فقط
عن ربيع خدِك
يا ساكنه شريانى
أنا زى طفل أتولد
رافض فى يوم الفطام
عودتى عينى ع السهر
يحرم عليا المنام
عشقِك فى قلبى وجع
ما لهوش أى دوا
ما يخف بالمحاليل
ولا عادش ليا طريق
ولا غير عنيكى بديل
لو مره توهت أنا
بيكونوا ليا دليل
لو لحظه يوم تبعدى
تلقينى قلبى دليل
يا ضحكتى وسكتى
يا مواسم الفاكهه
والورد فى البستان
أنتِ معانى الحروف
وحل لوغاريتمات
