مصر لم ولن تتأخر في سداد ديونها.. رد قوي من أحمد موسى على التصنيف الائتماني

قال الإعلامي أحمد موسى، إن الولايات المتحدة الأمريكية، تعاني من أزمة ديون هائلة، مضيفا أن مؤسسات دولية تركز على التصنيف الائتمانى في مصر الفترات الماضية.

أضاف خلال برنامج «على مسئوليتي»، المذاع على قناة صدى البلد: «أمريكا عندها مشكلة كبيرة وأزمة بنوك، وفي خناقة الأيام دي، بين البيت الأبيض والكونجرس الأمريكي، وهناك تركيز كبير على مصر في التصنيف الائتماني وعارفين ده».

وتابع: «السياسة والاقتصاد وجهان لعملة واحدة، مش لازم نبعد التقارير عن السياسة، شوف لما بيحصل رفع 25 نقطة مثلا في التصنيف، ده بيأثر إزاي على الدول النامية ومصر من الدول دي».

وقال: «عندنا مشكلة، آه عندنا مشكلة، بس لازم نتكلم بشكل واضح، ونحدد أسباب المشكلة، ومصر قادرة على سداد ديونها ولم ولن تتأخر في أي مرحلة عن سداد ديونها ولا عمرها هتتأخر».

وأضاف: «عندهم قلق إن إحنا معندناش دخل كبير من الدولار، ولا هنقدر نغطي الطلبات، بس مصر بتقول إنها مستعدة وهتغطي كل ديونها، الحاجات دي بتعمل لهم ارتكاب وقلق، بس لازم نوضح الأزمات والصورة، علشان نضخ ويكون في استثمار، وعايزين إنتاج متوفر ونخلق فرص عمل».

وأردف: «نشوف العالم بيعمل إيه دلوقتي، بيخفض ضرائب علشان الاستثمار، وعندنا الضرائب رقم واحد في موازنة الدولة، كمان نشوف ألمانيا رابع اقتصاد في العالم خدت قرار إيه النهاردة، والمعاناة في الصناعة، بس ثبتت أسعار الكهرباء حتى 2030».