علقت الفنانة راندا البحيري على إصابة محمود متولي، لاعب النادي الأهلي بعد انتهاء مباراة السوبر عبر حسابها الرسمي على مواقع التواصل الاجتماعي «فيسبوك».
وكتبت راندا: "مش قادرة أتخطى مشهد وقوع محمود متولي امبارح في الملعب وفقدانه الوعي والناس ابتدت تبارك وتهني وطلعوا من اللايف خلاص ومش هنعرف ماله.. ثم كل الاحترام على موقف الإعلامي إبراهيم فايق مرضاش يبارك ولا يحتفل غير لما يرجعوا لايف تاني علشان يعرفوا حصل له إيه.. هنا شوفنا جهاز صدمات القلب نازل الملعب وبالفعل هو فاقد الوعي وابتدوا يدوله صدمات كهربائية على قلبه.. هنا نسيت أي حوارات ومين اشترك في البطولة ومين مشتركش ومين بيعمل ايه ولاقيت نفسي بقوم من مكاني ودموعي نازلة وهو فاقد الوعي لسه ومبيتحركش وبيحاولوا لسه بجهاز الصدمات والثانية هنا بتعدي سنة فضلت ادعي وأقول يارب وأنا مش مصدقة إن بعد ماتش زي ده.. ده اللي يحصل في الآخر حتى بعد ما قام كنت خايفة يرجع يدوخ ويقع في مكانه بس كنت اطمنت شوية لما راح يحتفل مع الجمهور بعدها قندوسي وكابتن وفائي خدوه بالعربية بعد ما اطمنت اتسرعت قولت هايروحوا بيه مستشفى ف ابتديت اعيط تاني طلعوا بيلفوا الملعب علشان يخلوه يحيي الجمهور هنا ابتديت اهدى.. أقسم بالله الرياضة أخلاق أولا وقبل كل شي مصر أولا وأي حد يقول غير كده يبقى خلاص دماغه اتمسحت يارب يكون كويس واللي يعرف أي أخبار عنه يطمننا".
الأهلي بطل للسوبر المصري
وتوج الأهلي بلقب السوبر المصري للمرة الثالثة عشر في تاريخه، بعد تغلبه على بيراميدز بهدف دون رد، في اللقاء الذي جمع الفريقين على ملعب محمد بن زايد بالعاصمة الإماراتية أبوظبي.
اقرأ أيضا| راندا البحيري لياسر جلال: «طول عمرك وطني»
