أحمد السقا عن مسلسل «حرب»: مغامرة تستحق «الريسك»

كشف الفنان أحمد السقا كواليس مشاركته في مسلسل حرب مع الفنان محمد فراج والمخرج نادر جلال، الذي ينافس به في الثلث الأخير من موسم دراما رمضان 2023.

وقال أحمد السقا، خلال حواره ببرنامج الراديو بيضحك " لم يكن لي أى أعمال درامية خلال الموسم الرمضاني، وقبل شهر رمضان بأيام معدودة وجدت محمد حسن مدير أعمالي بيكلمني لمقابلتي ضروري.

وتابع الفنان أحمد السقا، في العادي بتاعي لما بيبقى عندي يوم أجازة مش بحب اتكلم في شغل، بروح أتمرن واركب خيل ومبيعملش حاجة تاني.. ولقيته بيقولي عندي مصيبة في البيت ومش هينفع في التليفون.

وأضاف السقا، روحتله على البيت وقالي كنت قاعد مع فلان وفلان كلموني عشان هنعمل مسلسل في رمضان وهنبدأ تصوير يوم التلات الجاي قولتله أنت بتهزر قالي لا.. فطلبت أقعد مع أستاذ أحمد نادر جلال والمؤلف هاني سرحان تاني يوم الصبح على الأقل يحكولي.

وأردف أحمد السقا، وقولت يا واد أنت لو خدت الريسك ده هيبقى حاجة من اتنين يا هتلبس في حيطة ياما هتبقى كنست تاريخك كله ويبقى نقطة ومن أول السطر وكانت مغامرة تستحق الريسك.. وبعدين وافقت ولكن قولتلهم مش هنصور التلات هنصور السبت عشان اكون لحقت أقرأ وأذاكر.