نشرت دار الإفتاء على صفحتها الخاصة كيفة حسابها لقيمة كافة الفطر بلغة عامية ليسهل فهمها علي كثير من المسلمين حيث قالت:
حسبناها على القمح اللى بيتعمل منه العيش اللى كل الناس فى مصر بتاكله لأن بيوت كتير مش بتاكل لا رز ولا تمر ولا زبيب
طيب سعر أردب القمح كام ١٧٠٠ جنيه
والأردب فيه ١٥٠ كيلو
يبقى سعر الكيلو كام ١١.٣٣ أحد عشر جنيها وثلاثة وثلاثون قرشًا
طيب والزكاة أد ايه ٢.٦ كيلو
يبقى نضرب ٢.٦ كيلو * ١١.٣٣
يطلع الناتج ٢٩.٤٦
ودار الإفتاء قالت إنه ٣٠ جنيها و٣٠ جنيها الحد الأدنى يعني طلع أكتر من ٣٠ جنيها لو معاك ودخلك يسمح لك بس اللى مش هيقدر فأقل حاجه يطلعها عن الفرد ٣٠ جنيه طيب أنا شايف إن ٣٠ جنيه قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن ٣٠ جنيه ولا تلزم غيرك يطلع زيك لأن ممكن يكون غير قادر
اقرأ أيضا :- ما حكم قَلْع الضرسِ أو تنظيف الأسنان أثناء الصيام؟ «الإفتاء» تُجيب
وتخرج قبل صلاة العيد ولو ملحقتش تطلعها ممكن تاخد برأي السادة الشافعية إنك ممكن تطلعها قبل غروب شمس يوم عيد الفطر
