أوضحت دار الإفتاء المصرية على صفحتها الرسمية عبر موقع التواصل الاجتماعي "فيسبوك"، طريقة تقدير قيمة زكاة الفطر بطريقة ميسرة على الجميع.
وكتبت من خلال منشورها باللغة العامية:«حسبناها على القمح اللى بيتعمل منه العيش اللى كل الناس فى مصر بتاكله لأن بيوت كتير مش بتاكل لا رز ولا تمر ولا زبيب.. طيب سعر أردب القمح كام ١٧٠٠ جنيه والأردب فيه ١٥٠ كيلو يبقى سعر الكيلو كام ١١.٣٣ إحدى عشر جنيه وثلاثة وثلاثون قرشًا.. طيب والزكاة أد ايه ٢.٦ كيلو، يبقى نضرب ٢.٦ كيلو * ١١.٣٣ يطلع الناتج ٢٩.٤٦ ودار الإفتاء قالت إنه ٣٠ جنيه».
اقرأ ايضا|رمضان 2023| تعرف على عدد ساعات الصوم وموعد الإفطار
واستكملت: «٣٠ جنيه الحد الأدنى يعني طلع أكتر من ٣٠ جنيها لو معاك ودخلك يسمح لك، بس اللى مش هيقدر فأقل حاجه يطلعها عن الفرد ٣٠ جنيها.
طيب أنا شايف إن ٣٠ جنيها قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن ٣٠ جنيها ولا تلزم غيرك يطلع زيك لأن ممكن يكون غير قادر، وتخرج قبل صلاة العيد ولو ملحقتش تطلعها ممكن تاخد برأي السادة الشافعية إنك ممكن تطلعها قبل غروب شمس يوم عيد الفطر».
