تداول رواد التوصال الاجتماعي فيديو لـ"كلب" يهاجم أحد المصليين خلال آداءهم الصلاة أمام أحد المساجد، حيث قام الكلب بالهجوم على شاب يصلي، وظل الشاب ثابت في صلاته، حتى حدث شئ غريب للكلب ، حيث أخذت الكلب سُنة من النوم في ثواني معدودة بعد أن كان في قمة شراسته خلال صلاة الشاب.
وعلق النجم تامر حسني على الفيديو المنتشر، عبر حسابه الرسمي بموقع التواصل الإجتماعي "فيسبوك"، وقال: «ده ڤيديو لسه شايفه و معرفش ظروفه ايه بس حابب اخد منه اكبر شيء ايجابي نستفيد بيه من الموقف …. الحقيقه هو موقف صعب جداً على أي شخص أيًا كان دينه …. لكنه اختبار حقيقي لقناعة الشخص و تصديقه بإنه رغم صعوبة الموقف فهو بين ايادي الله و مش هيحصله غير اللي ربنا عايزه حتى لو حصله ابتلاء حالاً فهو سلم له و في نفس الوقت مخرجش من قدسية اتصاله بربنا».
وتابع: «اكيد خاف لانه انسان و اكيد وساوس كتير جاتله تقوله اطلع اجري او يصارع الكلب بس اللي انتصر جواه ثقته و تمسكه بحماية ربنا له ، اللي انقذه و هو جالس مكانه لم يدبر و لم يخطط بل دبر و خطط الله له …. هي دي الدنيا مواقف كتير هتخليك تخاف و هتتخيل انك بتنتهي هنا بقى بييجي دور قناعتك الشخصيه اللي هتنجيك من شر الناس و اي ابتلاء او تثبتك على فكره افضل بتراودك او طريق احسن عايز تروحه و خايف».
واختتم: «قناعتك بانك بين ايد ربنا و مش هيحصل الا الخير حتى لو مفهمتوش لحظتها متقولش ليه كده يارب لاء .. قول يا ترا ايه الدرس اللي عايزني اتعلمه يارب ساعتها هتفهم و هتلاقي الخوف يائس و نام زي ما الكلب نام في آخر الموقف و قناعتك بالله عن حمايته و قدرته و تخطيطه هي اللي هتنتصر و تنجيك طول حياتك».
يذكر أن آخر أعمال تامر حسني السينمائية فيلم "بحبك" الذي عرض في السينمات المختلفة الفترة الماضية، وهو بطولة وتأليف وإخراج تامر حسنى وشارك فى بطولته هنا الزاهد وحمدى الميرغنى ومدحت تيخة وهدى المفتى، أحمد عزمى، وتميم عبده وسمر محمد متولى، وعمرو صحصاح وعاليا راشد، شهد الشاطر، وآخرون.
طرح النجم تامر حسني أغنية جديدة بعنوان "هتجوزك" من فيلم "بحبك"، الذى يعرض في السينمات.
اقرأ ايضاً - مي كساب: الشغل مع «رمضان» متعة.. و«أمين» فنان موهوب
