تصدرت الفنانة حورية فرغلي، خلال الساعات القليلة الماضية، «التريند»، عبر شبكات التواصل الاجتماعي وجميع محركات البحث؛ بسبب تصريحاتها عن مرضها والعمليات التي خضعت لها بسبب مشكلة أنفها.
كما تحدثت حورية فرغلي عن السحر التي تعرضت له بعد مسلسل ساحرة الجنوب خلال حوارها مع الإعلامية إيمان الحصري، في برنامج مساء دي إم سي.
وترصد «بوابة أخبار اليوم»، في السطور التالية أهم وأبرز 10 تصريحات لـ حورية فرغلي ..
- في وقت مكنتش عارفة أبص في المرايا ولا استطعم الأكل ولا أشم أي ريحة وبالنسبالي مكنش فيه فرق بين العيشة والموت.
- من سنتين كنت عايزة أموت لأن كان فيه كورونا والدكتور اللي ممكن يعالجني كان موجود في أمريكا والسفارات كلها كانت مغلقة.
- أنا مبسوطة بنفسي جدًا في الوقت الحالي ومش بهتم بتعليقات الناس .
- بقيت بحمد ربنا على أي حاجة والحمد لله على شكل أنفي وأي حاجة ربنا عملها فيا وفي الفترة اللي فاتت حاولت أتقرب من ربنا وأصلي واقرأ قرآن.
- حلم حياتي تقديم جزء تالت من مسلسل ساحرة الجنوب وأقدم دور حتشبسوت والأميرة ذات الهمة.
- عملت 27 عملية جراحية في 8 سنين وطلعت من تجربة المرض متلغبطة وجالي اكتئاب حاد.
- أخويا كان واقف معايا في كل خطوة وفي الأزمات مفيش أقرب من الاخوات .
- اكتشفت إن معمول ليا عمل بعد مسلسل ساحرة الجنوب ولقيته في البيت مكتوب فيه حورية تصاب بالشلل والمرض ويقف جوازها وخلفتها ورزقها.
- كنت بتعب من غير سبب ووزني وصل 49 كيلو ومش باكل واكتشفت في الآخر إنه سحر.
- معرفش مين اللي عملي العمل بس ده كان عايز يموتني مش بس يأذيني وماما ساعدتني وفكيناه وبقيت أحسن.
اقرأ أيضا|27 عملية جراحية في 8 أعوام.. حورية فرغلي تكشف تفاصيل حالتها الصحية
