الكثير من مواقف الطفولة والمراهقة يتذكرها الفنان كريم عبد العزيز الذى اتسمت طفولته بالعديد من المواقف بسبب شقاوته الكبيرة مما تسبب في متاعب كثيرة لوالديه بسبب أفعاله الصبيانية، فقال: “كنت واقف في البلكونة وشوفت كلب غلبان ماشى ولونه أسود فنزلت أخدته وطلعت جرى بيه على البيت، ولما والدتى سألتنى جبته منين قلتلها ده كلب (جيرمان) أخدته من واحد صاحبى والده في الشرطة كل ما الكلب يكبر ديله بيلف، ووالدتي تقولي مفيش يابني كلب (جيرمان) ديله بيلف لغاية لما عضني وكسر التليفزيونات، ومشيناه بقى لأن كمان والدتى كانت بتخاف من الكلاب”.
ويتذكر كريم أحد المواقف الأخرى قائلا: “”كان في موقف أفتكره وأنا صغير كان عندى 15 سنة سرقت عربية بابا من وراه، وبعد ما مشيت عملت حادثة دخلت في عربية 132 رمادى ولما حصل فتحت الباب وجريت لأني اترعبت أنى أتسجن، وكلمت والدي وقلتله إلحق ماما واختى ياسمين عملوا حادثة كبيرة بالعربية فاتخض وقالى إيه ده إزاى أنا جايلك، فقلتله لا مش هاينفع استناك ومشيت، وجالي بليل بقى على البيت وكلت علقة من والدي ووالدتي، ما بين الشبشب والبونيات، بس الصراحة كنت أستاهل”.
اقرأ أيضًا | كريم عبد العزيز يكشف موعد طرح فيلمه الجديد «بيت الروبي»
