قال جراح القلب العالمي الدكتور مجدي يعقوب، إن لديه اهتمامًا بالبحث العلمي، موضحًا أنه قام ببعض التجارب في جامعة القاهرة بطرق مختلفة وبالكثير من العمل البحثي عندما كان في المملكة المتحدة، "لكن شيكاغو كانت الفرصة الحقيقية في البحث العلمي، لأني كنت جراح سريري، وقمت بتقسيم وقتي بين الجراحة والتجارب البحثية، وسافرت كثيرًا في الولايات المتحدة وشمال أمريكا بشكل عام وارتبطت كثيرًا بالبحث العلمي".
وأكد خلال تصريحات تليفزيونية: "عمري ما قلت هعتزل في 2006 وعمري ما اعتزلت عن الشغل مع زملائي، وأنا دلوقتي ببدأ يومي الصبح الساعة 3 الصبح بقراءة المجلات العلمية الجديدة علشان أشوف العلم وصل لفين لأن كل 5 دقائق فيه جديد".
وأضاف مجدي يعقوب: "النوم الطويل مش كويس للمخ والنخاع الشوكي، النوم المتواصل في الليل بيعمل مشكلة في حركة السوائل المرتبطة بين النخاع الشوكي والمخ وعلشان كدا لازم نصحى في نص النوم نص ساعة ونرجع تاني علشان ننشط حركة السوائل".
وتابع جراح القلب العالمي الدكتور مجدي يعقوب "هفضل أشتغل لحد لما أقع وأموت ولن أتوقف لأن الشغل بيعطيني سعادة غير طبيعية".
اقرأ أيضاً .. الحقن العضلي في مكان خاطئ يسبب الشلل الرخو
