ناشدت ياسمين عز أصحاب المطاعم إضافة طبق حلويات باسم الفرعون الكبير والصغير، مشيرة إلى أنها متبرعة بحقوق الملكية لمصنع السكر للراجل.
وأضافت ياسمين عز خلال تقديمها حلقة اليوم من برنامج "كلام الناس": صحيت الصبح كان قلبي موجوع وقولت أول ما أطلع من البرنامج هعمل مناشدة لكل الفراعين أصحاب المطاعم، اخدتي بالك إن أول ما جوزك يدخل المطعم ويفتح المنيو بيكون حاسس بحزن وألم، عمرك سألتيه مالك يا فرعون لا انتي بتفكري في طبق الفتة اللي هتشفطيه وخلاص.
وتابعت ياسمين عز: هو زعلان عشان ملقاش اسمه في قايمة الحلويات، شيء غريب عجيب إن كل الحلويات أسماء ستات، أم علي ست وغزل البنات ست وبسبوسة ست صوابع زينب مفيش حلويات باسم الراجل، ليه مفيش طبق حلويات اسمه أبو أحمد أو صوابع محمد أو عيون محمود أو حواجب مصطفى، غزل الفرعون.
واختتمت: أرجو من أصحاب المطاعم إضافة طبق حلويات باسم الفرعون الكبير والصغير وأنا متبرعة بحقوق الملكية لمصنع السكر للراجل السكر، الراجل فين؟، ده هو أصل الصناعة.
اقرأ أيضا| رسالة جديدة من «ياسمين عز» للسيدات : «مدام سهير ما تكليش ودن حماتك»
