عبرت الإعلامية دعاء فاروق، عن غضبها الشديد من ردود أفعال غير لائقة على منشوراتها، مشيرة إلى أنها ستلجأ إلى البلوك.
اقرأ أيضا خاص | محمد التاجي يكشف حقيقة غضبه من الوسط الفني
وكتبت دعاء فاروق، منشورًا عبر حسابها الشخصي بموقع التواصل الاجتماعي فيسبوك: «عشان نبقى على نور يا جماعة ومفيش ست تدخل تلاقي جوزها بيتهزأ عندي فتزعل.. أي راجل هيدخل يعلق بطريقة غير لائقة ويمصمص لي شفايفه على أي صور لصديقاتي أو أخواتي أو صوري أو شكلي الراجل اللي هيفتحها ويبص عليها ويبدأ يلت ويعجن وينظر على شكل أو حجاب أو لبس هيتهزأ قدام أمة لا إله إلا الله».
وتابعت دعاء فاروق: «مالكش حكم غير على أهل بيتك وممنوع تدخل تنطق بحرف لا حلو ولا وحش في الحالتين بعمل بلوك.. اللي يتغزل أو يقول كلام مايع يتهزأ ويتعمله بلوك زيه زي اللي ينظر ويدخل يحاسبني إني بتاعت البرامج الدينية ويقعد ينظر على شكل أي حد ويخرجنا من منظومة الأخلاق والدين اللي محاوطاه ومحاوطة أهله فقط، الاتنين هيتهزأوا ويتعملهم بلوك».
وقالت «فاروق»: «مفيش رجالة محترمة تدخل تبص وتتكلم على شكل أي ست عندي على صفحتي مهما حطيت من صور كلهم زملاء وسيدات محترمات لابسة إيه أو شكلها إيه، ده مش موضوعك عشان كرامتك مش هتعرف تلمها.. أنا بتناقش مع الستات وبحاول أوصل وجهة نظري معاهم في بعض المواضيع إنما مش بتناقش مع رجالة».
واختتمت دعاء: «الراجل اللي هيدخل يقول كلمة مش مظبوطة هشوطه أنا مش بتملق حد ولا يفرق معايا مخلوق تحاسب نفسك الأول على حياتك ونواقصك قبل ما تدخلوا تحاسبوا الناس على حاجة مش من حقكم.. اللهم بلغت».
