تحدثت الإعلامية ياسمين عز، عما وصفته بمميزات الزوج الدقهلاوي أي الذي ينتمي إلى محافظة الدقهلية، موضحة أن الزواج من رجل من الدقهلية يعني أن الحياة الزوجية ستكون كلها عز وفرح.
وأضافت ياسمين في تعليق عبر برنامجها كلام الناس، والذي يعرض عبر قناة «إم بي سي مصر»، اليوم السبت: «لو اتجوزتي من دقهلاوي يعني طاقة القدر اتفتحلك، البلد دي مش فيها أحلى بنات وبس، وكمان أحلى وأطيب وأوسم رجالة في الدنيا كلها، هتحسي إنك متجوزة نجم من نجوم هوليوود».
وأضافت: «كل ما بيكبر بيصير أحلى وأحلى، مفيش راجل من المنصورة أو الدقهلية مش جدع وشهم، وبيقف في ضهر الغريب قبل القريب، وحمش وقيادي بطبعه».
وتابعت ياسمين عز: «من مميزات ابن المنصورة إنه حدق ويفهمها وهي طايرة، قبل ما تطير وحياتك، الحداقة بتاعته بجمال ملوحة فسيخ نبروه وبحر جمصة، رجالة المنصورة شاطرين أوي في شغلهم».
وأكملت: «تجار شاطرين، والبيزنس بيجري في دمهم، رجل المنصورة مستحيل ميكونش شخص مؤثر، حد كده فنان أو عالم، لازم تلاقي عنده حاجة تبهرك».
اقرا ايضا| ياسمين عز: حماتك هتفيديك.. وما تعزميش أهلك وقرايبك اليومين دول
