احتفل الفنان إيساف مساء الخميس 26 يناير، بعقد قرانه على فتاة من خارج الوسط الفني، في حضور عدد من نجوم الفن والأهل والأصدقاء.
أقرأ أيضا نجوم الفن يشاركون إيساف حفل الزفاف| فيديو وصور
وتحدث إيساف وقال لـ«بوابه اخبار اليوم»، "الجواز رزق من عند ربنا وحاسس أن النهارده ربنا راضي عني عشان بتجوز ..الجواز مش حاجه سهله في الأيام دي وأن حد يلاقي حد يتوافق معاه فكريًا ونفسيا".
وأضاف "رضوي كانت إنسانه حقيقه جدًا وكانت طبيعيه جدأ ومكنتش مزيفه في كل حاجه في شخصيتها وكلامها وشكلها وحتي كلامها وتون صوتها انا كنت محتاج حد طبيعي اتجوزه، ده غير انها جميله شكلًا وروحًا واخلاقياً وخدت القرار علطول من غير تردد".
وتابع قائلا "كنت اتمني ابويا وامي الله يرحمهم يكونوا موجودين فا انا اصغر اخ في اخواتي ولم يسبق لي الزواج من قبل، وكنت اتمني يكونوا موجودين معايا انهارده وزوجتي فاجئتي ومعاملتلي برواز كبير ليهم واحنا بناخد الفوتو سيشن الصبح وهما دايما معانا وربنا يرحم امواتنا جميعا".
وحضر المطرب ايهاب توفيق، إلى عقد القرأن بالإضافة إلى كلا من الفنان أحمد التهامي والفنان احمد بتشان والفنان مصطفى محفوظ والفنانة الهام بديع والفنان رامي وحيد والفنان احمد محمد ماهر وعدد من الأهل والأصدقاء بمسجد مدينتي الأبيض الكبير وكذلك الأهل والأقارب والأصدقاء من الوسط الفني وخارجه.
وعقد القران في مسجد مدينتي الأبيض الكبير من الساعة السابعة للتاسعة بحضور الأهل والأقارب والأصدقاء من الوسط الفني وخارجه.
وتحدث إيساف مؤخرًا عن خطيبته في تصريحات تلفزيونية سابقة، قائلًا: "أنا مرتبط دلوقتي، ولما اتقابلنا قولت لو في بينا عدم ثقة يبقى مش هنكمل، أنا وصلت لمرحلة صعب أوي إني ارتبط بواحدة في بينا علامات استفهام".
وأكد إيساف، أن الفتاة المرتبط بها في الوقت الحالي لا تمتك أي حسابات عبر مواقع التواصل الاجتماعي، وهذا ما يعجبه بشكل كبير، مضيفًا: "هي مفيش عندها حسابات على مواقع التواصل ولا بتنزل صورها، أنا مش بعيب في حد، ولكن دي حاجة أنا بفضلها في شريكة حياتي، وأكتر حاجة بتضايق مني فيها إني مبعرفش أصالح".
