حلت نجمة الغناء الشعبي "هدى" ضيفة على الإعلامية ياسمين عز في برنامجها "كلام الناس" المُذاع عبر شاشة MBC مصر.
وتحدثت المطربة "هدى" خلال الحلقة عن العديد من تفاصيل مسيرتها الفنية وبعض آراءها في قضايا المرأة والرجل التي تثيرها دائما ياسمين عز خلال حلقاتها.
وقالت "هدى": «أنا ماعنديش مشكلة في أني أساعد جوزي طبعا مادام هو بيراعي ربنا فيا، إنما بردو لازم يبقى فيه شوية مبادئ كده لازم نمشي عليها».
وتابعت: «ماينفعش أصرف على جوزي وهو مابيتعبش نفسه، إزاي أصرف على دكر وأنا الست وهو اللي المفروض الراجل، لا أنا ممكن أساعده لو وقع في ورطة أو أزمة لكن أنه يبقى قاعد وأنا أصرف عليه ده كتير الحقيقة ومش مقبول تماما».
وعن الأزمات التي مرت بها هدى؛ أوضحت: «بمر بأزمات مادية زي كل الناس، ومسيرتي الفنية تعطلت لأني أنتج الأغاني لنفسي».
وتابعت: «بييجي أحياناً عليا وقت مش بيكون معايا مليم ولا فلوس أدفع حق الدروس لبنتي ومصاريف المدرسة، ولو حد من برا وشاف إني عايشة في بيت كويس ومعايا عربية كويسة مش هيصدق إني مش معايا فلوس والله».
وواصلت: «أنا زي الناس أحيانًا بيبقى عندي ظروف صعبة، عندي حياة ومسؤوليات وبنتي، وعندي مصاريف دروس ومدرسة».
واختتمت: «أحيانا بكون بين نارين هتدفعي مصاريف المدرسة ولا هتعملي أغنية، أكيد هدفع المصاريف، مفيش اختيارات، فبالتالي بتأخر عن الشغل، وماحدش بيصدق غير اللي محطوط في الظروف، لو أنا في حد محتاج حاجة وأنا مش معايا غيرها مش بحوشها، وربك بيفرجها، بتتراضي بتتراضي».
