طالب الرئيس عبدالفتاح السيسي المصريين بعدم السماع لأى أحد سوى المسئولين فقط، وذلك خلال كلمته من داخل كاتدرائية ميلاد المسيح بالعاصمة الإدارية الجديدة، بحضور البابا تواضروس الثاني بابا الاسكندرية وبطريك الكرازة المرقسية.
وقال الرئيس السيسي: " أنا شايف إن الناس في مصر قلقانة وخايفه، ومش هتقول إن ده مبرر لكن اذا كان كلامي بيطمنكم فانا بطمنكم.. ولو سمحتم يا كل الناس يا كل المصريين، أنا في كل مناسبة بقول الحكاية دي، متديش ودنك لحد، أقل ما فيه إنه مش مسئول لأن كل واحد يعرف على قده، بداية من الموظف للمدير لحد اللي ربنا أراد له يتولى المسئولية".
وطمأن الرئيس المصريين قائلاً: " متخافوش، ومش ليكم أنتم بس لكل المصريين متخافوش، لسببين: الأول إن ربنا موجود ومش هيسبنا ، السبب الثاني أننا كدولة حريصين، لأن الأزمة اللي موجودة في العالم كله ضخمة جدًا، والدنيا بعد الأزمة هتبقا مختلفة جدًا، لو استمرت الحرب دي لسنة تانية، واحنا الحمد لله ماشيين كويس، وان كنا بنعاني، بس منخافش ومتقلقش وناس كتير بتتكلم من غير ما تكون فاهمة ولو في حاجة هعملها هقولكم.
وقال الرئيس السيسي " أنا شايف وسامع كويس أوي إن الناس قلقانة عشان خايفين عليها " يقصد مصر"، متابعاً " وانا مبسوط انكم خايفين عليها بس ما تخافوش، احنا الحمد لله ماشيين كويس جدًا، وان كنا بنعاني بس منخافش ومنقلقش وناس كتير بتتكلم من غير ما تكون فاهمة، ولو في حاجة هعملها هقولكم، موجهاً سؤالًا للمصريين هي مصر لو تعبت هنتخلى عنها؟!
اقرأ ايضًا| احتفالًا بعيد الميلاد.. الرئيس يصافح المتواجدين بكاتدرائية ميلاد المسيح
