قالت الفنانة رنا رئيس، إن خطيبها "يسري" طلب يدها من والدتها وفوجئت بوجوده في البرنامج مع منى الشاذلي.
وعلقت: "أنا ويسري بنحب بعض من 7 سنين وشوفنا كل حاجة مع بعض، وهو دايما بيدعمني في شغلي".
جاء ذلك خلال لقاءها في برنامج في حتة تانية تقديم دنيا صلاح عبدالله على ميجا إف إم.
وأضافت: "جتلي فرصة أقدم برنامج بس رفضت، كنت عاوزه أمثل من وأنا عندي 4 سنين بس أمي كانت رافضة عشان الدراسة، وبدأت في 2017 بعد إقناع ومحايلة كتير أوي".
وعن أول العروض اللي جت لها: كان مسلسل "وضع أمني"، ومسلسل "أرض جو"، والاتنين في نفس السنة، وعن أول مشهد ليها عدته 6 مرات وأكتر مشهد عدته في حياتي كان 43 مرة".
وتابعت: "كنت مرعوبة جدا من دوري في مسلسل "ليالينا 80" والمخرج أحمد صالح كان مؤمن بيا جدًا، وكنت بتعامل مع أهلي في البيت وأنا مغمية عيني علشان اتعود علي دوري في مسلسل "ليالينا 80".
وأكملت: "أما أصعب مشهد ليا في مسلسل "نجيب زاهي زركش"، هو أول مشهد ليا قدام دكتور يحيي الفخراني، وأستاذ ياسر جلال إنسان مريح جدا وجميل، واحتواني في مسلسل "ضل راجل".
واختتمت: "أبويا وجدي اتوفوا وأنا بصور في خلال 24 ساعة.. بتمنى الرضا والسكينة والسعادة لأهلي ودي أمنيتي كل سنة".
انطلاق الأسبوع الثالث لفعاليات "شارع الفن" بمثلث الشريفين وسط القاهرة
سلسلة سيمفونيات عظيمة تتواصل على المسرح الكبير بالأوبرا
إجراءات حاسمة من الثقافة بعد واقعة مثيرة للجدل ببيت ثقافة الخانكة
