قال الرئيس عبد الفتاح السيسي: "انتو فاهمين يعني إيه النهاردة، المواد الغذائية بتاعت الناس، تزيد مرتين وتلاتة، هو مين يستحمل ده، ازاي تقدر البلد تجابه استمرار الحالة دي، وهي بتحاول تحافظ الأسعار بدون زيادة.. أنا بقول الكلام ده للمصريين كلهم، أوعوا تكونوا فاكرين، إننا مش حاسين كبني آدمين ومسئولين، إن الأسعار حمل على الناس".
وأضاف "السيسي" خلال كلمته اليوم في افتتاح مصنع لإنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبورواش: "والله ما في أكتر من كده نقدر نعمله، محدش بيجيب حاجة من جيبه، ده من قدرة البلد".
وأشار رئيس الجمهورية، إلى أن هناك بعض التجار يغالوا في الأسعار، ويستغلون الأزمات، معقباً: "الوقت اللي إحنا فيه، يبرز فيه حرصنا على الناس، ومنغليش الحاجة على الناس، إحنا بنتكلم في أكل وشرب".
وكشف الرئيس عبد الفتاح السيسي، عن حديث دار بينه وبين المسؤول عن الجمعيات الأهلية، قائلا: "كلمته وسألته عندك ربح ثابت مش مرتبط بتبرعات الناس قالي لأ.. فقولتله أنت ماشي غلط".
وتابع الرئيس السيسي، خلال كلمته بافتتاح مصنعي المستلزمات الطبية والصناعية ومحطة إنتاج الطاقة الثلاثية بأبو رواش: "متعملش مسار منتظم على فرضية غير منتظمة.. المستشفى اللي هتكلفك 20 مليون جنيه يبقى لازم عندك رقم في البنك يطلعلك الـ20 مليون جنيه عشان يبقا فيه استقرار في علاج المرضى".
وأكمل الرئيس عبد الفتاح السيسي: "كلمته تاني قالي حجم الطلب زاد والتكلفة زادت ومقدرش أقول لحد جي جمعية خيرية مقدرش أعالجك.. وبربط الموضوع ده بالمسار اللي وجدته عشان نوفر ميزانية بعيدة عن ميزاينة الدولة".
وكانت فعاليات افتتاح مصنعي إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبو رواش بمحافظة الجيزة، قد بدأت صباح اليوم الإثنين، وذلك بحضور الرئيس عبد الفتاح السيسي، حيث بدأت الفعاليات بتلاوة آيات من القران الكريم.
وتعد شركة النصر للكيماويات الوسيطة، أحد الصروح الصناعية المصرية، التى تتمتع بقوة المنتج الوطنى، بالإضافة للتطور المستمر على كافة قطاعاتها ومصانعها، مع التزامها بالمعايير العالمية والبيئية، حتى أننا يمكننا إطلاق عليها بأنها صرحا وطنيا عملاقا فى الصناعة الوطنية المصرية، التى تتماشى مع فلسفة ورؤية الجمهورية الجديدة، وشركة النصر للكيماويات الوسيطة شركة متفردة من نوعها على مستوى الشركات والمصانع التى تعمل فى نفس المجال فى الشرق الأوسط، وذلك لتعدد أنشطة المصانع الموجودة بالشركة واختلاف منتجاتها.
تتكون شركة النصر للكيماويات الوسيطة من مجمع الصناعات الكيماوية بالمنطقة الصناعية بأبو رواش محافظة الجيزة، والذى يعتبر أكبر وأقدم صرح صناعى بالقوات المسلحة، حيث أُنشأ عام 1972 ويقع على مساحة تقارب مائتين وخمسون فداناً، حيث ساهم تواجد شركة النصر للكيماويات الوسيطة بهذه المنطقة، فى تحقيق الريادة لتنمية وتعمير المنطقة الصناعية، حيث وفرت الشركة الخدمات الأساسية للشركات والمصانع المجاورة، ما أدى إلى تنمية المنطقة الصناعية واتساعها وزيادة أنشطتها المختلفة.
اقرأ أيضا: «الخدمة الوطنية»: منتجات شركة النصر تغزو 55 دولة حول العالم
