علق الإعلامي عمرو أديب على أزمة مستشفى 57357، قائلا: "هذا الموضوع لازم نتصرف فيه بسرعة، لأن المستشفى تعالج مجموعة من الأطفال "اللي ملهاش حد"، وفي كلام منتشر بيقول إن المستشفى هتتقفل، وده مش خبر مُحزن، دي كارثة.
وأضاف الإعلامي عمرو أديب، خلال تقديم برنامجه "الحكاية" عبر فضائية "إم بي سي مصر"، لو المستشفى اتقفلت الأطفال دي هتروح فين؟، إحنا مش بنتكلم على مرض سهل، يعني مش هتدخل تشيل الزائدة مثلاً وتخرج.
وأوضح عمرو أديب، هذا المستشفى يُعالج مجانا، ودخله الوحيد هو التبرعات، ومن كام شهر مستشفى طنطا 57357 أغلق أبوابه، وأنا طبعًا سعيد بالانتفاضة التي حدثت الساعات الماضية، ومينفعش المستشفى تتقفل.
وتابع أديب، أنا كنت ضمن من أسسوا هذا المستشفى، وكان حلم أمامنا، هنقف نتفرج على مستشفى 57357 وهى بتقفل؟، هنقف نتفرج عليها واحد يشتريها مبنى ويعملها أوتيل؟، أنت عشان تعمل مستشفى زي دي عايز كام؟، هنسيبها تقع؟، ده إحنا في عرض مستشفى يا جماعة.
اقرأ أيضا | برلمانية تناشد أهل الخير بسرعة التدخل لإنقاذ مستشفى 57357
