كشفت الفنانة شيرين رضا تفاصيل تعاونها مع دينا الشربيني في حكاية ولو بعد حين من مسلسل حدث بالفعل، والذي من المقرر عرضه قريبًا، مؤكدة أنهما صديقتان ولم يترددا في التعاون معًا.
أقرأ ايضا «شيرين رضا» تشارك فى فيلم «وش فى وش» بطولة محمد ممدوح
وقالت شيرين رضا خلال لقائها مع ET بالعربي: أنا مش أول مرة أتعاون مع دينا الشربيني قبل كدا عملنا فيلم اسمه كدبة كل يوم، وليه الناس تستغرب؟ إحنا صحاب من زمان ودي فرصة حلوة أننا نشتغل مع بعض تاني.
وقالت شيرين رضا: لم أتردد ولا ثانية ولما قالولي دينا الشربيني قولت طبعا لأننا معندناش فرصة نقابل بعض في الحياة؛ لأن كل واحدة مشغولة وإحنا بنقعد مع بعض في نفس الكارافان وبنغير وبنعمل ميكب مع بعض، ولما عرضوا عليا أمثل لوحدي حكاية مستقلة في مسلسل حدث بالفعل رفضت وحبيت أكون مع دينا الشربيني.
كما كشفت شيرين رضا عن تفاصيل حكاية ولو بعد حين، قائلة: هنكون أنا ودينا الشربيني أخوات في المسلسل اللي بيدور في قصص حقيقية من ملفات لأطباء نفسيين والقصص مفزعة ومش عارفة إمتى هيتعرض ولكنه هيكون قريبًا وخارج الموسم الرمضاني وإحنا بنصور آخر حلقة وهنخلص الجزء الأول لأن العمل له أكتر من جزء.
