كشفت الإعلامية إنجي علي، إن الاستقلال المادي للمرأة يجعلها تتخذ القرارات بشكل فردي دون الحاجة للاستعانة برأي شخص آخر.
وقالت إنجي علي، خلال تصريحات تلفزيونية: "استقلال الست المادي يجعل قرارها من دماغها، وأنا اتجوزت مرتين والاتنين محترمين جدًا بتمنى ليهم كل حاجة حلوة، وأنا بحب الراجل الناجح اللي عنده طموح، ومقدرش أتجوز حد فاشل أو قاعدلي في البيت طول الوقت زي البروطة، أنا مبحبش النوعية دي لأني فعلًا بحب الشغل".
وأكدت إنجي علي، أن حبها للعمل جعلها تنخرط به، وذلك دون أن يكون لديها ضائقة مادية تجعلها تقبل على العمل، مؤكدة: "أنا لما نزلت للشغل منزلتش علشان أنا محتاجة ولكن نزلت علشان أنا حابة الشغل، حتى نزلت شغلانات بسيطة علشان أشوف إحساسهم، ودي حاجة كونت شخصيتي".
المساواة بين الراجل والست
وقالت إنجي علي عن مسألة المساواة بين الرجل والمرأة: "أنا ضد المساواة بين الراجل والست، وأنا النهاردة شايفة إن ده أحد الأسباب اللي عمل خلل في المجتمع، موضوع إن الست طول الوقت بتطلب المساواة، والستات النهاردة أخدوا حقهن تالت ومتلت على جميع المستويات، ده من وجهة نظري وده رأيي".
وأضافت إنجي علي: "بقول للستات اللي بيضغطوا على أزواجهم وبيطلبوا أكتر من قدراته يهدوا شوية، والكلمة الحلوة بتفرق إحنا بقينا بخلاء حتى في الكلمة، وأقوى ست في العالم هي الست المصرية، لأنها ملهاش مثيل في أي حاجة، والناس بتحب الرجل المصري وخفة دمه".
اقرأ أيضا| خالد زكي ينفي تدهور حالته الصحية.. ويؤكد: انتظروني على الشاشة قريبًا | خاص
