في ذكرى ميلاده.. رسالة مؤثرة من المنتج نصر محروس لوالده

حرص المنتج نصر محروس، على تقديم رسالة مؤثرة عن والده  في ذكري ميلاده، عبر حسابه على «فيس بوك».

ونشر نصر محروس، صورة برفقه والده معلقًا عليها بقوله: "النهاردة عيد ميلاد أكتر حد في الكرة الأرضية حبني وخاف عليا وخلاني أخاف على زعله، كان أكتر حد صاحب ليه والإنسان الوحيد في العالم اللي كنت بأحس في وجوده بالأمان".

وتابع: "وده عكس احساسي دلوقتي بعد ما سافر السما، هو اللي كبرني وعلمني شغلي ووصلت للي أنا فيه دلوقتي بتوجيهاته وصلواته لية، كنت بأتعلم منه كل يوم حاجة جديدة حتى وأنا كبير، دروس الحياة كلها هو اللي علمهالي"

وأختتم نصر محروس، رسالته المؤثرة لوالده بقوله: "وكان دايمًا في ظهري ودلوقتي بقيت حاسس ان ظهري اتعرى ومش حاسس بالآمان… شكرًا يا بابا على كل اللي علمتهولي.. شكرًا يا صاحبي على العمر، اللي عشته معاك، شكرًا على كل مرة كان قلبك بيتوجع عليه وبتخاف عليه، كل سنة وانت طيب في السما يا حبيبي.. وحشتني ومفتقد وجودك في حياتي"

وكان طرح المنتج نصر محروس منذ قليل  أغنية «جاحدة» للمطرب نبيل وذلك على موقع الفيديوهات الشهير «يوتيوب».

أغنية «جاحدة»من كلمات أحمد شكري ومن ألحان مصطفى شكري وتوزيع موسيقي شيندي وخليل.