هاجم الإعلامي عمرو أديب، تسبب التجار في أزمة توافر الأرز بالأسواق مؤخرًا رغم توافره بكميات تكفي الاستهلاك المحلي وتفيض عن الحاجة، مؤكدًا: السوق أقوى من الحكومة والتجار هيغرقونا كلنا.
وقال أديب، خلال برنامجه الحكاية المذاع على ام بي سي مصر ، مساء اليوم السبت: الأرز مثال صارخ وقليل الأدب على الحرب الخفية بين التجار، مينفعش في البلد يكون أزمة بالأرز تزامنًا مع أزمة حرب، أنا عندي فائض في الأرز وممكن أصدره، إزاي في الأزمة يكون عندي فائض وأستورده من بره، إحنا ينفع يكون عندنا الكلام ده.
وتابع مقدم الحكاية: أنا عايز الناس الفقيرة تاكل، التجار بتبص تحت رجليها والنتائج مش هتكون كويسة، متسائلًا: إحنا حبسنا كام تاجر من المعلمين الكبار اللي بتحبس الأرز أو تخفيه لاستغلال الأزمة في رفع سعره وتحقيق مكاسب.
اقرا ايضا|رئيس قطاع التجارة الداخلية: لدينا 5 ملايين طن أرز ولا توجد أزمة
وأكمل الإعلامي عمرو أديب: لو الوضع استمر كده السوق كله هيتضرب، قلبي مع الطبقات التي يحدث لها انزلاق خلال الأزمات، الدخل يقل في العالم كله، ولكن أفهم آليات السوق ولكن لا أفهم الطمع أو الجشع، أسعار المنتجات يتغير سعرها كل يوم، فيه ناس في السوبر ماركت شغلانتها تشيل الأسعار وتحط أسعار جديدة كل يوم.
