كشف المايسترو نادر عباسي عن سر علاقته المتميزة مع الفنانة اللبنانية ماجدة الرومي من خلال حواره ببرنامج " الستات" ، الذي يعرض عبر قناة " النهار" ، وتقدمة الإعلامية مفيدة شيحة والإعلامية سهير جودة، اليوم الإثنين: " أنا عامة لا أقود موسيقى مغنيين عرب لأن الأعمال مش محتاجة قائد كلاسيكي ،بتكون سهلة، وفي ناس هيعملوها أشطر مني بكتير".
وأضاف: " أنا كنت في باريس وكلمني المسؤولين عن حفل ماجدة الرومي ، وطلبوا مني إني أقود الحفل، أنا رفضت وقولت لهم الموضوع مش مستاهل مايسترو، لكنهم قالوا لي لو سمعت الموسيقى هتتأكد إنها محتاجة مايسترو، وبعدها سمعت الموسيقى وتأكدت إنها فعلا محتاجة مايسترو".
وتابع: " وافقت ورحت لماجدة الرومى لبنان، هي كانت خايفة منى قوى ، سمعت عني إني صعب في التعامل وعصبى، وطلبت مني أكون هادئ، وهى فعلا زي العصفورة ورقيقة جدا وحساسة جدا، أنا قلت لها متخافيش أنا بعمل كده لمصلحة الشغل، أنا مش قصدي أني أخوف اللي معايا".
وأكمل "عباسى": "فعلا اشتغلنا مع بعض، وهي كانت طالبة 23 بروفة، وقلت لها هعملها في 4 بروفات بالكتير، وأقنعتها، كانت الأول قلقانة شوية، وبعد كده علاقتنا بقت حلوة جدا، كأصدقاء كمان، بنتكلم في كل حاجة".
واستطرد: "ماجدة الرومي دارسة أوبرا وأنا دارس أوبرا، ساعات بنقعد نشتغل مع بعض، نتكلم في تفاصيل كتير لها علاقة بالأوبرا والموسيقى، بينا علاقة كويسة جدًا، وبحب الموسيقى الخاصة بها".
اقرا ايضا | سمية الخشاب في أحدث ظهور لها من المسرح: بحبكم ادعولي
