علقت الإعلامية عزة مصطفى، على واقعة مقاضاة الفنانة شيرين عبدالوهاب لشقيقها لاتهامه بالتعدي عليها وإجبارها على الدخول للمستشفى بعد تنازلها عن المحاضر ضد طليقها حسام حبيب.
وقالت عزة مصطفى خلال برنامج «صالة التحرير» على قناة صدى البلد: «موضوع شيرين عبد الوهاب والتعدي عليها من أخوها يخض، مش عارفة حكاية النجوم مع أخواتهم، أخوها تعدى عليها بسبب تنازلها عن بعض القضايا لصالح طليقها حسام حبيب، هل ده سبب؟».
وتابعت الإعلامية عزة مصطفى: «مش معقول النجمة العربية اللي الوطن العربي كله بيستنى يسمع صوتها، يعرف إن أخوها ضربها وحجزها في مستشفى، إزاي!».
أردفت عزة مصطفى: «اتقال إن شيرين هتروح تعمل عملية في الخارج بسبب مشكلة في الرباط الصليبي، فهل ده بسبب ضرب أخوها؟».
استكملت الإعلامية عزة مصطفى: «عايزة أقول إن شيرين اتهمت أخوها أنه اعتدى عليها بالضرب، أنا نفسي الأخبار دي متبقاش بالشكل الفظيع ده على السوشيال ميديا، أتمنى السلامة لشيرين عشان هي صوت مهم، لكنها تطلع من مطب تقع في دحديرة ، يبدو أن ده قدرك يا شيرين».
اختتمت عزة مصطفى: «الناس بتقول إن حسام حبيب قاعد عند المستشفى عشان ينقذها من أخوها وناس كمان بتقول إن احتمال عودتها لحسام وارد».
اقرأ أيضا:شيرين عبدالوهاب: «نفسي أكون أذكى واحدة في العالم ولكن الذكاء بيتعب»
