وجه الدكتور عمرو الورداني أمين الفتوى بدار الإفتاء رسالة للأزواج ، قائلًا: "بلاش التعامل بطريقة مراتي هتروح فين مهي في البيت مربوطة، ولا تتعاملي معاه بطريقة هيروح مع أصحابه ويرجع، لازم نبتكر في الأفعال، ولازم نظهر الفرح في الوصال لأنه يخلي العلاقة متصديش، ولا تستسلم لضغوط الحياة، المفروض نفرح لما نقابل بعض ويتجدد الحب، وأن نسمع بعض كلام حلو عن شكلنا وعن أفعالنا".
اقرأ أيضًا| أمين الفتوى: تصريحات أحد المشايخ عن خروج الفتاة كالقفة هو حديث فتنة
وأضاف خلال تقديم برنامج "ولا تعسروا" المذاع على القناة "الأولى": "أول ما تلاقي زوجتك بتقول عايزة تغير الأنتريه، اوعى تفهم إنها عايزة تغير الأنتريه، هي عايزة تغير في الحياة الزوجية، حست ببرودة، وكذلك لو خطيبتك قالت عايزة اغير شوية من طريقة كلامنا، قصدها أنها تجدد العلاقة".
وأردف: "كفاية اغتراب عن البيت، ارجعوا للبيوت، فالبيوت تأن، أدعو كل الناس يرجعوا للبيت ويعملوا حاجة مشتركة، اقروا كتاب، واتأكدوا إنكم شايلين الأقنعة، متعاملهاش كموظفة مهمتها تعمل لك الأكل، ولا تعامليه كـ "ATM
وختم: "الطبطبة على أهل البيت إجراء جميل يشعر البيت كله بالجمال والهدوء والسكينة، في بيوتكم نفحات فتعرضوا لها".
